Dolnoserbske wugronjenje

Zuk [fʲ]

Wugronjenje

Zuk [fʲ] wugranja se pódobnje ako nimske f w słowje Fieber, ale z dalej wuzwignjonym kśebjatom jězyka.

Jo móžno se ten pógib jězyka wuwědobniś z tym, až pśechada se wóspjet pomałem a mimo pśetergnjenja wót wokala [a] na [i] a zasej slědk. Pśi tom njedejali cele wědobnje poziciju gubowu změniś, ale se jano koncentrěrowaś na pógib jězyka.

Gaž jo rozdźělne połoženje jězyka se wuwědobniło, móžomy rozdźěl mjazy [f] a [fʲ] zwucowaś: Wótchylenje pśi wugronjenju [f] a [fʲ] jo słyšaś, gaž konfrontěrujotej se złožce fe [fɛ] a fje [fʲɛ]. Rozdźěl w realizaciji ‹f› nastanjo głownje pśez to, až kśebjat jězyka se twardemu njebju (palatumoju, gl. Tabela zapśimjeśow) dalej pśibližyjo.

[fʲ] njesłuša k indigenemu (zderbnjonemu) inwentaroju zukow dolnoserbšćiny a wustupujo jano we wupóžycenjach.

Pśiznamjenja

Wótpowědujuce pismiki

Zuk [fʲ] wótpowědujo:

Pśikłady

Pokazki

Pśir. zuk [f].

Glědaj teke: Ortografiske wóznamjenjenje měkosći, Rozeznawanje twardy : měki.