Wugronjenje

Zuk [k] wugranja se pódobnje ako nimske k w słowach ako knapp, Makel. Glědaj: W nimšćinje wugranja se k cesto »wótšo« (z dodatnym tšuženim pówětša) ako [kʰ]. Takego pśidycha (aspiracije) dejali se w serbšćinje wobijaś.

Rozdźěl mjazy (w serbšćinje njewužywanym) [kʰ] a typiskim serbskim [k] jo słyšaś w slědujucych pśikładach: nimski Kabaret (z [kʰa-]) – serbski kabaret (z [ka-]), nimski Dank (z [-kʰ]) – serbski dank (z [-k]).

Pokazka: Aby se wobijali pśidycha, pomoga młogim nimskim maminorěcnym, gaž pśedstajiju se město k jadno gg (kótarež dej se wě byś njespiwne): tak = tagg.

Pśiznamjenja

• njespiwny
• welarny
• ploziwny
• twardy

Wótpowědujuce pismiki

Zuk [k] wótpowědujo:

• pismikoju ‹g›
  • pśed ‹f›, ‹p›, ‹s›, ‹š›, ‹t› (a potencielnje pśed drugimi njespiwnymi obstruentami)
  • we wuzuku
  • pśed ‹ł› w absolutnem wuzuku (‹ł› jo w tom paźe nime)
• pismikoju ‹k›
  • pśed ‹a›, ‹o›, ‹ó›, ‹u›, ‹y› (pśir. wokale)
  • pśed ‹l›, ‹ł›, ‹m›, ‹n›, ‹r›, ‹w› (pśed sonorantami, nic pak pśed ‹j›)
  • pśed ‹c›, ‹ch›, ‹k›, ‹p›, ‹s›, ‹š›, ‹ś›, ‹t› (a potencielnje pśed drugimi njespiwnymi obstruentami)
  • we wuzuku
  • (ako jadna z wariantow) pśed ‹j›

Pśikłady

• nałogstwo
• ług
• knigł
• kwikaś
• zakśiknuś
• tak
• kjawcan

Pokazki

Pśir. zuka [g], [kʲ].

Glědaj teke: Asimilacija, Rozdźěle pśi wugronjenju (dolnoserbšćina – nimšćina).

Bok Wikipedije wó zuku (nimski)