Wugronjenje

Zuk [w] wugranja se pódobnje u w nimskem słowje sauer. Wón wótpowědujo engelskemu w w słowach ako water, why a twóri se z wobyma guboma. Nimske w pak twóri se mjazy spózneju gubu a prěznymi zubami a realizěrujo se ako [v]. Na toś ten rozdźěl dej se źiwaś.

Gaž wužywa se typiske serbske [w] w nimšćinje, ga klincy to někak tak weil wenig Wasser wenige Wälder wässert.

Pśiznamjenja

• spiwny
• labialno-welarny
• aproksimant
• twardy

Wótpowědujuce pismiki

Zuk [w] wótpowědujo:

• pismikoju ‹ł›
  • pśed ‹a›, ‹e›, ‹o›, ‹u›, ‹y› (pśir. wokale)
  • (ako jadna z wariantow) pó ‹m›
• pismikoju ‹v›
  • (ako jadna z wariantow) w kuždej poziciji (z wuwześim wuzuka)
• pismikoju ‹w›
  • w zazuku pśed -oł- (nic pak, gaž jadna se wó prefiks wo-)
  • w zazuku pśed ‹a›, ‹e›, ‹ó›, ‹y› (pśir. wokale)
  • w mjazyzuku pśed ‹a›, ‹e›, ‹o›, ‹ó›, ‹u›, ‹y› (pśir. wokale)
  • (ako jadna z wariantow) pśed ‹j›‹a›, ‹j›‹o›, ‹j›‹u›

Pśikłady

• ławka
• zmłośiś
• volt
• wołaŕ
• wólej
• bajawa
• wjacorašk

Pokazki

Pśir. zuki [u], [u̯], [ʊ̯], [v], [wʲ].

Bok Wikipedije wó zuku (nimski)