Městno artikulacije

We wuskem zmysle: górjejcne resp. slězne źěle zukowego rezonancnego ruma (zwjerchna guba, zuby resp. twarde njebjo – palatum, copk – uwula a druge), kótarež móžo relatiwnje pógibliwy artikulěrujucy organ dopołnje abo pśisamem dotyknuś. Hynac ako artikulěrujuce organy su městna artikulacije relatiwnje njepógibliwe. (...)

W šyršem zmysle: pasaža, kótaraž twóri pśi artikulaciji zadoru, to groni pór z (relatiwnje pógibliwego) artikulěrujucego organa a (relatiwnje njepógibliwego) městna artikulacije we wuskem zmysle.

W dolnoserbšćinje rozrěduju se konsonanty glědajucy na městna artikulacije ako slědujo:

• alweolarne
• bilabialne
• dentalne
• labialne
• labiodentalne
• palatalne
• postalweolarne
• (retrofleksne)
• uwularne
• welarne

Wěcej wó tej temje na wótpowědnem boce Wikipedije (nimski).

Glědaj teke: Tabela zapśimjeśow.