Retrofleks

Zuk rěcy, kótaryž jo pó artikulěrujucem organje apikal (gl. Tabela zapśimjeśow), pó městnje artikulacije postalweolar. Pśi artikulaciji retrofleksa zegnuwa se kónjack jězyka wó něco dogórjejka slědk.

Zuka dolnoserbšćiny, kótarejž stej wóznamjenjonej ako [ʂ] a [ʐ], njejstej pópšawem cystej retrofleksa, IPA-znamušce pak se za njej wužywatej, aby se teke grafiski rozeznawałej wót nimskeju a górnoserbskeju postalweolarneju zukowu [ʃ] a [ʒ] (gl. bok nimskorěcneje Wikipedije wó zuku). To same płaśi za afrikaśe [t͡ʂ], [d͡ʐ], kótarejž nastawatej ze zestajenja [t] resp. [d] z [ʂ] resp. [ʐ].

Wěcej wó tej temje na wótpowědnem boce Wikipedije (nimski).