Wugronjenje

Zuk [d] wugranja se pódobnje ako nimske d (na pś. w słowje dann), jo pak jasnje spiwny. Glědaj: W nimšćinje njerealizěrujo se d cesto ako napšawdu spiwny, ale skerjej ako njenapněty konsonant (lenis). Taki rozeznawa se wót ‹t› skerjej z tym, až artikulěrujo se z mjeńšym śišćom a z njenapnětymi artikulaciskimi organami. W serbšćinje pak jo spiwne wugronjenje ‹d› na kuždy pad notne.

Rozdźěl mjazy nimskeju a serbskeju realizaciju ‹d› jo słyšaś, gaž pśirownujoš nagraśi nimskego Dank [daŋk] a serbskego dank [daŋk].

Gaž wužywa se mócnje spiwne, pótakem typiske serbske [d] w nimšćinje, ga klincy to někak tak: Der donnernde Dank des Dorfes.

Pśiznamjenja

• spiwny
• alweolarny
• ploziwny
• twardy

Wótpowědujuce pismiki

Zuk [d] wótpowědujo:

• pismikoju ‹d›
  • pśed ‹a›, ‹e›, ‹o›, ‹u›, ‹y› (pśir. wokale)
  • pśed ‹l›, ‹ł›, ‹m›, ‹n›, ‹r›, ‹w› (pśed sonorantami z wuwześim pozicije pśed ‹j›)
  • pśed ‹b›, ‹g› a potencielnje pśed ‹d›, ‹z›, ‹ž›, ‹ź› (pśir. spiwne obstruenty)
  • (ako jadna z wariantow) pśed ‹j›
• pismikoju ‹t›
  • potencielnje pśed ‹b›, ‹d›, ‹g›, ‹z›, ‹ž›, ‹ź› (pśir. spiwne obstruenty)

Pśikłady

• daś
• chudy
• dług
• pśedběg
• djabołski
• wótběgnjony

Pokazki

Pśir. zuka [t], [dʲ].

Glědaj teke: Asimilacija.

Bok Wikipedije wó zuku (nimski)