Pomoc
Pód wótpšašowańskim pólom móžośo se slědujuce pytańske opcije nastajiś:
słownik
wuzwóliś wšykne abo jaden ze słownikow
rěc
W toś tom pólu wuzwólona serbšćina nastajijo standardny pśistup k artiklam słownikow. Nimšćina dowólijo pytanje mjazy nimskimi ekwiwalentami słow; hynac gronjone, to nastajenje zmóžnijo wobrośony — z nimskego boka wuchadajucy — pśistup k wopśimjeśu słownikow.
- Za pytanje w nimskej rěcy njejo opcija pisanje relewantna (wóna wóstanjo wublendowana). Pyta se awtomatiski w źinsajšnem pšawopisu.
- Pytanje za cełym słowom wunjaso lisćinu namakanych nimskich słow a frazow (kótarež pytane słowo wopśimjeju) a z nimi zwězanych serbskich słow a frazow.
- Pytanje na zachopjeńku, we srjejźi abo na kóńcu słowa pśinjaso nejžpjerwjej lisćinu nimskich słow, ako napšašowanju wótpowěduju. Z njeje jo móžno pśejś na dokradnjejše wuslědki za jadnotliwe słowa.
pisanje
- Pla standardnego nastajenja originalne musyśo, aby zapis w słowniku namakali, pytane słowo rowno tak pisaś, ako se w słowniku pišo. Gaž zapódajośo na pśikład »byś«, namakajośo drje artikl pla Muki, nic pak pla Zwahra, dokulaž pišo ten »bysch« (a ako wariantu: »busch«).
Pokazka: Za zapódawanje wósebnych znamuškow móžośo wužywaś wobrazowkowu tastaturu, kótaraž jo pśistupna pód slědujucym symbolom: 
. - originalne bźez diakritiki: Teke diakritiske znamuška (na pś. w »ń« »š« »ż« atd.) njejsu w słownikach na jadnaku wašnju stajane. Togodla póbitujo toś ta opcija pytanje, kótarež wšake wótchylenja tolerěrujo: na pś. jo wšojadno, lěc pisaśo »ó« abo »o«.
- modernizěrowane: Glědajucy na njejadnake wašnje pisanja póbitujomy pytanje z „modernizěrowanym“ pisanim, ako orientěrujo se do dalokeje měry na Starosće 1999. W toś tom pytańskem modusu namakajośo, gaž zapódajośo pytanu formu w źinsa płaśecem pšawopisu, wětšy part wšykne historiske formy, pyta-lic se »woglědaś« pótakem teke »hoglědaś« (Muka) a »hoglėdasch« (Zwahr).
Toś ta pytańska opcija wopśimjejo tuchylu něźi 95% wšyknych pisanjow; we wuškownych padach njejo było mimo wětšych śěžkosćow móžno, originalne pisanje „modernizěrowanemu“ pśirědowaś. We wobłuku naslědujucych projektow buźomy dalej na optiměrowanju togo pytanja źěłaś. - modernizěrowane bźez diakritiki: dodatnje bźez glědanja na diakritiske znamuška (pśir. „originalne bźez diakritiki“).
Dalšne pokazki:
- Jo móžno, až njejsu Wam wšykne pisanja znate a my njejsmy mógali wšykne pisanja bźez problemow modernizěrowaś. Togodla jo dodatnje móžno, wšykne gronidła w originalnem pšawopisu (alfabetiski sortěrowane) pśeglědowaś: lisćina gronidłow.
- Generelnje jo pytanje tak organizěrowane, až njenamakaju se jano gronidła, ako stoje w słownikach na zachopjeńku artikla (lemata), ale teke słowa, kótarež se w artiklu (dla tak pómjenjoneje gnězdoweje formy) dodatnje wobjadnawaju. W danem paźe pokazany rezultat pytanja to rozjasnjujo, na pś.: „hoglědaś ← glědaś ← Muka 1928“ = »hoglědaś« w artiklu »glědaś« w słowniku Muka 1928.
pozicija
Na pśikłaźe pytanja za »byś« (w originalnem pisanju)
- cełe słowo: namakajo jano »byś«
- na zachopjeńku słowa: namakajo dodatnje »byśe«
- srjejź słowa: namakajo dodatnje »byśe«, »dobyś«, »dobyśe«, »dozabyś«, »tudybyśe« atd.
- na kóńcu słowa: namakajo dodatnje »dobyś«, »dohubyś«, »dozabyś«, »pśebyś« atd.
