Aproksimanty

Njezłožkowym wokalam groni se teke połwokale. Gaž wóni se wiźe ako konsonanty, ga groni se jim pśechodowe zuki abo aproksimanty.

W dolnoserbšćinje dajo połwokala [i̯] a [ɪ̯], kótarejž wótpowědujotej pismikoju ‹j› pó wokalu w zacynjonej złožce. Ako połwokala płaśitej teke zuka [ʊ̯] a [u̯], kótarejž stojtej za pismika ‹w› a ‹ł› we samskej poziciji. Toś te zuki – [i̯], [ɪ̯], [ʊ̯] a [u̯] – mógu wustupowaś ako njezłožkowe źěły diftongow. W drugich pozicijach su naglědane ako konsonanty a togodla transkriběrowane ako [j] resp. [w].

Glědaj teke: Diftong, Dolnoserbske diftongi.

Wěcej wó tej temje na wótpowědnem boce Wikipedije (nimski).