Wugronjenje

Zuk [ʊ̯] wugranja se (rowno tak ako [ʊ]) pódobnje ako nimske krotke u (w słowje Mutter). Ako drugi źěł diftonga pak njama gódnotu złožki.

Pśiznamjenja

• pśisamem zawrěty
• pśisamem slězny
• wukulowaśony
• spiwny
• połwokal

Wótpowědujuce pismiki

Zuk [ʊ̯] wótpowědujo:

• pismikoju ‹ł›
  • pó ‹a›, ‹e›, ‹ě›, ‹i›, ‹y› (pśir. wokale) w zacynjonej złožce (ako źěł diftonga)
  • pó ‹o› w zacynjonej złožce (ako źěł diftonga, jano słabo wugranjane)
• pismikoju ‹w›
  • pó ‹a›, ‹e›, ‹ě›, ‹i›, ‹y› (pśir. wokale) w zacynjonej złožce (ako źěł diftonga)
  • pó ‹o› w zacynjonej złožce (ako źěł diftonga, jano słabo wugranjane)

Pśikłady

• późěł
• zabył
• cołn
• dawno
• zewšym
• krowka

Pokazki

Pśir. zuki [ʊ], [u̯], [w].

Glědaj teke: Diftongi.

Bok Wikipedije k temje połwokalow (nimski)