Zuk [ɛ]

Wugronjenje

Zuk [ɛ] wugranja se pódobnje ako nimske wótwórjone ɛ w słowje Esse.

Na zachopjeńku słowa (teke pó nimym ‹h›) njewugranja se normalnje žedno zaknyknjenje (gl. bok nimskorěcneje Wikipedije wó zuku).

Zuk [ɛ] wótpowědujo:

pismikoju ‹e›
- we (fonetiskem) zazuku pó (nimem) ‹h›
- w mjazyzuku: mjazy měkim a twardym konsonantom
- w mjazyzuku: mjazy twardym a měkim konsonantom (z wuwześim słowa zemja a wót njogo twórjonych wótwóźenjow)
- w mjazyzuku: mjazy twardyma konsonantoma
- we wuzuku
pismikoju ‹o›
- w drugej złožce někotarych bazowych morfemow, gaž stoj južo w prědnej złožce ‹o›, casy teke ‹a›
pismikoju ‹ó›
- (ako jadna z wariantow) w kuždej poziciji (z wuwześim pozicije pśed ‹j›)
- (ako jadna z wariantow) pśed ‹j›

Pśir. zuk [e].