Wugronjenje

Zuk [tʲ] rozeznawa se wót [t] jano z tym, až wugranja se měki. Kśebjat jězyka pśibližyjo se pśi tom twardemu njebju (palatumoju, gl. Tabela zapśimjeśow).

Jo móžno se ten pógib jězyka wuwědobniś z tym, až pśechada se wóspjet pomałem a mimo pśetergnjenja wót wokala [a] na [i] a zasej slědk. Pśi tom njedejali cele wědobnje poziciju gubowu změniś, ale se jano koncentrěrowaś na pógib jězyka.

Gaž jo rozdźělne połoženje jězyka se wuwědobniło, móžomy rozdźěl mjazy [t] a [tʲ] zwucowaś: Wótchylenje pśi wugronjenju [t] a [tʲ] jo słyšaś, gaž konfrontěrujotej se złožce ty [tɨ] a tě [tʲɪ]. Rozdźěl w realizaciji ‹t› nastanjo głownje pśez to, až kśebjat jězyka se twardemu njebju (palatumoju) dalej pśibližyjo.

Pśiznamjenja

• njespiwny
• alweolarny
• ploziwny
• twardy

Wótpowědujuce pismiki

Zuk [tʲ] wótpowědujo:

• pismikoju ‹t›
  • pśed ‹ě›, ‹i› (pśir. wokale)

Pśikłady

• noticka
• tichtowaś
• datěrowaś

Pokazki

Pśir. zuka [t], [dʲ].

Glědaj teke: Wupóžycenja, Ortografiske wóznamjenjenje měkosći, Rozeznawanje twardy : měki.