Nime (njewugronjone) pismiki

Slědujuce pismiki su (pód wěstymi wuměnjenjami) nime (jim njewótpowědujo žeden zuk):

pismik ‹g›
- w słowje gdy a wót njogo twórjonych wótwóźenjach, kótarež zachopiju na gdy-, na pś. gdy
pismik ‹h›
- w kuždej poziciji, na pś. how
pismik ‹j›
- gaž stoj pó jadnom wokalu a rownocasnje pśed ‹i›, na pś. stajiś
- pó ‹i› w zacynjonej złožce (ako źěł diftonga), na pś. junij
pismik ‹ł›
- pó obstruentach we wuzuku słowa, na pś. zmysł
- pśed obstruentami w zazuku słowa, na pś. łdgaś
- (ako jadna z wariantow) pó ‹m›, na pś. młyn
pismik ‹p›
- w zazuku pśed ‹c› (nic pak ‹ch›) a ‹t›, na pś. pcołkaŕ
pismik ‹r›
- pśed ‹dž›, na pś. zemjerdžanje
pismik ‹t›
- pśed ‹c›, ‹č›, ‹t›, ‹tš›, ‹tś›, na pś. krotcyś
pismik ‹w›
- w zazuku słowa pśed konsonantami (z wuwześim pozicije pśed ‹j›), na pś. wron
- w zazuku morfema pśed ‹o›, ‹u› (nic pak pśed -oł-, jolic až njejadna se wó prefiks wo-), na pś. woptaś

Pokazki