Wugronjenje

Zuk [b] wugranja se pódobnje ako nimske b (na pś. w słowje baden), jo pak jasnje spiwny. Glědaj: W nimšćinje njerealizěrujo se b cesto ako napšawdu spiwny, ale skerjej ako njenapněty konsonant (lenis). Taki rozeznawa se wót ‹p› skerjej z tym, až artikulěrujo se z mjeńšym śišćom a z njenapnětymi artikulěrujucymi organami. W serbšćinje pak jo spiwne wugronjenje ‹b› na kuždy pad notne.

Rozdźěl mjazy nimskeju a serbskeju realizaciju ‹b› jo słyšaś, gaž pśirownujoš nagraśi nimskego słowa Bass a serbskego bas.

Gaž wužywa se mócnje spiwne, pótakem typiske serbske [b] w nimšćinje, ga klincy to někak tak: Bei bayerischen Bauern Boden bearbeiten.

Pśiznamjenja

• spiwny
• bilabialny
• ploziwny
• twardy

Wótpowědujuce pismiki

Zuk [b] wótpowědujo:

• pismikoju ‹b›
  • pśed ‹a›, ‹e›, ‹o›, ‹ó›, ‹u›, ‹y› (pśir. wokale)
  • pśed ‹l›, ‹ł›, ‹m›, ‹n›, ‹ń›, ‹r›, ‹w› (pśed sonorantami, nic pak pśed ‹j›)
  • pśed ‹d›, ‹g›, ‹z›, ‹ž›, ‹ź› a potencielnje pśed ‹b› (pśir. spiwne obstruenty)
  • (ako jadna z wariantow) pśed ‹j›‹a›, ‹j›‹o›, ‹j›‹u›
• pismikoju ‹p›
  • potencielnje pśed ‹b›, ‹d›, ‹g›, ‹z›, ‹ž›, ‹ź› (pśir. spiwne obstruenty)

Pśikłady

• bagno
• nabyś
• drobny
• bźeze
• bjachaŕ
• žonopžołty

Pokazki

Pśir. zuka [bʲ], [p].

Glědaj teke: Asimilacija.

Bok Wikipedije wó zuku (nimski)