Wugronjenje

Zuk [p] wugranja se pódobnje ako nimske p w słowach ako plantschen, Plan, Pneumatik. Glědaj: W nimšćinje wugranja se p cesto »wótšo« (z dodatnym tšuženim pówětša) ako [pʰ]. Takego pśidycha (aspiracije) dejali se w serbšćinje wobijaś.

Rozdźěl mjazy (w serbšćinje njewužywanym) [pʰ] a typiskim serbskim [p] jo słyšaś w slědujucych pśikładach: nimski Pack [pʰak] – serbski pak [pak], nimski Depp [dɛpʰ] – serbski dep [dɛp].

Pokazka: Aby se wobijali pśidycha, pomoga młogim nimskim maminorěcnym, gaž pśedstajiju se město p jadno bb (kótarež dej se wě byś njespiwne): skop = skobb.

Pśiznamjenja

• njespiwny
• bilabialny
• ploziwny
• twardy

Wótpowědujuce pismiki

Zuk [p] wótpowědujo:

• pismikoju ‹b›
  • pśed ‹c›, ‹č›, ‹ch›, ‹f›, ‹k›, ‹s›, ‹š›, ‹ś›, ‹t›, ‹ts›, ‹tš›, ‹tś› (a potencielnje pśed drugimi njespiwnymi obstruentami)
  • we wuzuku
• pismikoju ‹p›
  • pśed ‹a›, ‹e›, ‹o›, ‹ó›, ‹u›, ‹y› (pśir. wokale)
  • pśed ‹l›, ‹ł›, ‹m›, ‹n›, ‹r›, ‹w› (pśed sonorantami z wuwześim pozicije pśed ‹j›)
  • pśed ‹c›, ‹ch›, ‹f›, ‹k›, ‹s›, ‹š›, ‹ś›, ‹t› (a potencielnje pśed drugimi njespiwnymi obstruentami) (nic pak w zazuku pśed ‹c› a ‹t›)
  • we wuzuku
  • (ako jadna z wariantow) pśed ‹j›‹a›, ‹j›‹o›, ‹j›‹u›

Pśikłady

• rybka
• žłob
• kapa
• naprěki
• kupka
• pódstup
• pjac se

Pokazki

Pśir. zuka [b], [pʲ].

Glědaj teke: Asimilacija, Rozdźěle pśi wugronjenju (dolnoserbšćina – nimšćina).

Bok Wikipedije wó zuku (nimski)