Wugronjenje

Zuk [g] wugranja se pódobnje ako nimske g (na pś. w słowje gut), jo pak jasnje spiwny. Glědaj: W nimšćinje njerealizěrujo se g cesto ako napšawdu spiwny, ale skerjej ako njenapněty konsonant (lenis). Taki rozeznawa se wót ‹k› skerjej z tym, až artikulěrujo se z mjeńšym śišćom a z njenapnětymi artikulaciskimi organami. W serbšćinje pak jo spiwne wugronjenje ‹g› na kuždy pad notne.

Rozdźěl mjazy nimskeju a serbskeju realizaciju ‹g› jo słyšaś, gaž pśirownujoš nagraśi nimskego Gasse [ˈɡasə] und sorbisch gasa ['gasa] vergleicht.

Gaž wužywa se mócnje spiwne, pótakem typiske serbske [g] w nimšćinje, ga klincy to někak tak: Gute Gaukler gaukeln in Gulben und Gaglow.

Pśiznamjenja

• spiwny
• welarny
• ploziwny
• twardy

Wótpowědujuce pismiki

Zuk [g] wótpowědujo:

• pismikoju ‹g›
  • pśed ‹a›, ‹o›, ‹ó›, ‹u›, ‹y› (pśir. wokale)
  • pśed ‹l›, ‹ł›, ‹m›, ‹n›, ‹r›, ‹w› (pśed sonorantami z wuwześim pozicije pśed ‹j› a pśed nimem ‹ł› w absolutnem wuzuku)
  • pśed ‹b›, ‹d› a potencielnje pśed ‹g›, ‹z›, ‹ž›, ‹ź› (pśir. spiwne obstruenty) (z wuwześim słowa gdy a wót njogo twórjonych wótwóźenjow, kótarež zachopiju na gdy-)
  • (ako jadna z wariantow) pśed ‹j›
• pismikoju ‹k›
  • potencielnje pśed ‹b›, ‹d›, ‹g›, ‹z›, ‹ž›, ‹ź› (pśir. spiwne obstruenty)

Pśikłady

• ga
• jagły
• wugbanje
• zagjar
• anekdota

Pokazki

Pśir. zuka [k], [gʲ].

Glědaj teke: Asimilacija.

Bok Wikipedije wó zuku (nimski)