Wugronjenje

Zuk [z] wugranja se pódobnje ako s w nimskich słowach ako Suppe, sauber, Nase. Wón jo jasnje spiwny. W młogich stronach Nimskeje, wósebnje na pódpołdnju, pak jo s teke w toś tych słowach njespiwne. Wukniki serbšćiny, kótarež maju w swójem nimskem wugronjenju toś tu regionalnu wósebnosć, muse how wósebnje na to źiwaś, aby pšawje wugranjali.

Pśiznamjenja

• spiwny
• alweolarny
• frikatiwny
• twardy

Wótpowědujuce pismiki

Zuk [z] wótpowědujo:

• pismikoju ‹s›
  • pśed ‹b› a potencielnje pśed ‹d›, ‹g›, ‹z›, ‹ž›, ‹ź› (pśir. spiwne obstruenty)
• pismikoju ‹z›
  • pśed ‹a›, ‹e›, ‹o›, ‹u›, ‹y› (pśir. wokale)
  • pśed ‹j›, ‹l›, ‹ł›, ‹m›, ‹n›, ‹ń›, ‹r›, ‹w› (pśir. sonoranty)
  • pśed ‹b›, ‹d›, ‹g›, ‹z›, ‹ž›, ‹ź› (pśir. spiwne obstruenty)

Pśikłady

• zapšosba
• zazwóniś
• rozeznaś
• zły
• znazdala

Pokazki

Pśir. zuki [s], [ʐ], [ʑ].

Glědaj teke: Asimilacija.

Bok Wikipedije wó zuku (nimski)